Openi tatu vulu okwaadha ewiliko li shi okwiinekelwa kunena?

Sho tu li muuyuni mbuka tawu ende tawu lunduluka, ongiini to vulu okukala nuushili kutya omatokolo ngoka to ka ninga otaga vulu oku ku etela iizemo iiwanawa? Ongiini to vulu okukala nuushili kutya shoka sha talika ko kunena shi li mondjila itashi ka talika ko sha puka mulimwe lyomomasiku?

Ombiimbeli otayi vulu oku ku kwathela wu ninge omatokolo ngoka kuu na esiku wu ka ipe ombedhi. Mbela shoka otashi vulika ngaa? Ombiimbeli oya za kOmushiti gwetu, ngoka e shi shoka tashi vulu oku tu etela enyanyu lyashili notu kale tu uvite twa gamenwa.

Otatu vulu okwiinekela uunongo tawu longo mboka tawu adhika mOmbiimbeli. ‘Owa kola sigo aluhe,’ nenge tu tye owu shi okwiinekelwa. — Episalomi 111:8.

Omolwashike ito konakona ngoye mwene wu mone nkene Ombiimbeli tayi vulu oku ku kwathela sho uuyuni mbuka tawu ende tawu lunduluka?