Efalomo
Mbela owa halelela oku ka kala muuyuni moka kaamu na iita nelongithonkondo? Aantu oyendji oye wete kutya oshinima shoka oshiwanawalela, ihe oye uvite kutya itashi vulu okuningwa nando. Ombiimbeli otayi popi kutya omolwashike aantu ya ndopa okukambadhala okuhulitha po iita. Otayi yelitha wo nkene to vulu okukala nuushili kutya muuyuni awuhe otamu vulu okukala mu na ombili, nonokutya masiku shoka otashi ka ningwa.
Moshifo shika, oshitya “iita” nosho wo “elongithonkondo,” oya ukithwa koongundu dhopapolotika, ndhoka hadhi longitha iikondjitho dhi kondjithathane. Omadhina gaantu yamwe mboka ya tumbulwa moshitopolwa shika oga lundululwa.