Okuhwepopaleka Uunkulungu Wetu Muukalele — Okuhulitha po ekonakono naakonakoni mboka itaaya humu komeho

OMOLWASHIKE SHA SIMANA?: Aantu oye na okwiithana edhina lyaJehova, opo ya hupithwe. (Rom 10:13, 14) Ihe haantu ayehe mboka haya taamba ko ekonakonombiimbeli ya hala okukala metsokumwe nomithikampango dhaJehova. Ohatu longitha nawa ethimbo lyetu muukalele mokukonakona owala naamboka ya hala shili okuninga omalunduluko, opo ya opalele Jehova. Ngele omukonakonimbiimbeli ita ningi ehumokomeho konima yokukonakona uule wethimbo lyontumba, oshi li nawa tu ethe po okukonakona naye. Pehala lyaashono, natu longithe ethimbo lyetu tu kwathele mboka Jehova ta hilile kuye nokehangano lye. (Joh 6:44) Ihe ngele omukonakoni konima yethimbo okwa ningi omalunduluko e ta ulike kutya okwa “halelela oku ka mona omwenyo gwaaluhe,” (NW) otatu vulu okutameka ishewe okukonakona naye. — Iil 13:48.

NKENE TATU VULU OKU SHI NINGA:

• Pandula omukonakoni sho e na ehalo okumona ontseyo yashili. — 1Tim 2:4

• Tsa omuthindo nkene sha simana okutula miilonga shoka ti ilongo. — Luk 6:46-49

• Kundathana naye nombili eyele lyomukuni, e to mu pula a dhiladhile kutya oshike tashi vulika tashi mu imbi a hume komeho. — Mat 13:18-23

• Mu yelithila nawa kutya omolwashike to hulitha po okukonakona naye

• Mu lombwela kutya oto kala ngaa ho mu talele po omathimbo nomathimbo wu mu tse omukumo nonokutya otamu vulu okutameka nekonakono ishewe ngele okwa ningi ehumokomeho

TALA OKAVIDIO E TO YAMUKULA OMAPULO NGAKA:

• Moonkundathana dhomukonakoni nomuuvithi, oshike tashi ulike kutya omukonakoni ita ningi ehumokomeho?

• Omuuvithi okwa kwathele ngiini omukonakoni a uve ko kutya okwa pumbwa okuninga omalunduluko?

• Omuuvithi oku ulike ngiini kutya oku na ehalo lyokukonakona ishewe nomukonakoni konima ngele a ningi omalunduluko?