NIKUPA 4

Ovinyerya va Mwene Oopacerya a Isarayeli Ophiyerya Wuukapuroni o Paapulu

Saawulu aahikhala mwene oopacerya a Isarayeli. Nyenya Yehova aahimukhoocha nave aahimuthanla Tavite wii akhale mwene mpuroni mwa owo. Nnahaala osuwela ichu sincipale vooloca sa Tavite. Aryeene mwammiravo, aahiwana nnakuru Goliyati. Vachuli vaya, aahimuchawa Mwene ahache owo Saawulu. Ovinyerya vaavaa Abigayeli ooreera owo aahimuhiiha weerano moolosowa.

Voocharelavo, nnahaala osuwela ichu sincipale vooloca sa mwaana a Tavite, Soolomoni, vaavaa aakhanliiye va nipuroni na Tavite ntoko mwene a Isarayeli. Ori oothene a mamwene mararu oopacererya a Isarayeli aalamulenle mu iyaakha 40. Vachuli va okhwa wa Soolomoni, Isarayeli aahikawanyeya mu omwene mwiili, mmoha onakhumawo echeku yamirupi ni mukina onayawo echeku yamirupi.

Omwene wa onayawo echeku yamirupi, wa mahimo 10, waahikhala iyaakha 257 ohaakuvale otoloxiwa ni asinAsiiriya. Ovinyerya vaavaa, vachuli va iyaakha 133, omwene wa onakhumawo echeku yamirupi, wa mahimo meeli, wahitoloxiwatho. Mu elukuluku ela, aIsarayeli yaahikuxeriwa wuukapuroni o Paapulu. Wawihiihaa wii Nikupa ANEEXEXE anuuraanya iyaakha 510 sa okhalavo, mu elukuluku yeeyo seerenyaaya saweereya sincipale sootikiniha, ntoko nniiryaahu noone.