Muhoolo Mooreera Mootikinihaxa

Satana ni masololo awe heni epwahererye waawoka achu mu elukuluku yoorekamaxa. Yehova vano oowikara wirimu. (Yawupulula 12:9) Muhoolo mwawaachamela, Muluku onahaala weera echu wanawiili moovaanyihana ni Satana ni masololo awe. Mu yawoona yoorweela wa Muluku, murummwa Yohane oriye: “Nave káhóna mungelo akhuruwaka wirimu, arinono yohulela ya eshephwa, ni onyoro mtokotoko mu ntata nawe. Nave áphara enowa etokwene, enowa yakhalai eyo ti musaserya ni Satana, ammaka miyakha masanaru khumi, amuriha o’shephwani, awala’wo, éyerya’vo eneneryo vasulu vaya, wi aháwoketho amalapo ophiyerya emanle miyakha masanaru khumi.” (Yawupulula 20:1-3) Voocharela vaya, Musaserya ni masololo awe anarwa etoloxiwa okhalawookhala.—Yawupulula 20:10.

Achu oonanara veelaponi yavathi enarwa tho etoloxiwa.—Masaalimu 37:9, 10; Luka 13:5.

Achu Ookhwa Enarwa Ekookela Okhala ni Okumi!

Vachuli va otoloxiwa wa Satana ni masololo awe, Yehova onahaala oruuha mareliho mancipale wa achu. Khalani awuupuxeryiwa wi achu ookhwa hanono okumi, hakhanlewo chiri. Yesu ophwanaphwaninhe okhwa ni ikhove—ikhove sawisa soohikhalano sooloha. (Yohane 11:11-14) Yesu olonce hiihaa nthowa nawi aanasuwela wi enahaala ophiya elukuluku, yawi achu oothene anakona wukhwani enarwa eveihiwa wi ekhale ni okumi. Yesu oriye: “Nihiku ninnorwa, nenlo othene ari m’mahiyeni enarwa . . . ekhuma.”—Yohane 5:28, 29; likanyihani ni Saweriwa Tarummwa 24:15.

Enarwa ekookiheryiwa okhalano okumi veelaponi yeela yavathi. Ohiya michaka sa achu ookhwa, onarwa okhalavo michaka soohakalaliha vooloca sa achu akookiheryiwe okhalano okumi! Ohakalala wawiihayi nki oni okhalevo va owaakhela oosiveliwaahu eni evinye m’mahiyeni!

[Eruku va epaaxina 28]

Moohilekela Satana ni masololo anahaala owaleliwa

[Eruku va epaaxina 29]

Achu ookhwa anahaala okookela okhala ni okumi veelaponi yavathi