MAKOHO A PIIPILIYA AAKHULIWE

Onanara onarweela woowi?

Mwawooneya achu annachuna okhala a murecele, oororomeleya, ni eepewe. Ntakhara heeni wiiliwiili ninnoona nlala, ohikhala ekhaikhai, ni ohooxa? Michaka sa woopiha siri sawunlaana. Apwanne ookhalavo muchu onaweeriha achu weera ichu moonanara?​—Mwaalakhanye 1 Yohane 5:19.

Apwanne Muluku aapanke achu ni mathitimanelo oonanara? Hooye, Yehova Muluku aapatunxe achu eruku awe, ni mathitimanelo a otakiherya osivela wa wawe. (Mapacereryo 1:27; Yupu 34:10) Nyenya tho Muluku ohaacicimiha achu ni mukhalelo wa othanla wootaphuwa. Vaavaa makholo ahu oopacerya yaathanlilaaya meerelo oonanara, yaakhooca omutakiherya Muluku nave ekhala oohiphaameya. Hiyaano noorava mathitimanelo oonanara moorweela wa yaawo.​—Mwaalakhanye Malamulo 32:4, 5.

Apwanne onanara onahaala otitelela okhala?

Muluku onachuna wi nsepe mathitimanelo ahu oonanara. (Masiposipo 27:11) Mwawiihiiha onnanihusiha mukhalelo wa osepa yoonanara ni mukhalelo wa ophwanya ohakalala weeparipari. Mu elukuluku yeela hinnawerya otakiherya osivela wa Muluku mwawaakhwanela.​—Mwaalakhanye Salmo 32:8.

Naamwi hiihaano onanara waaceereryeyaka, Muluku onamweemererya mu elukuluku yavakhaani wi achu oothene yoone sookhumelela saya soonanara. (2 Petro 3:7-9) Moohilekela elapo enahaala okhaliwa ni achu oohakalala yaawo anamwiiwelela Muluku.​—Mwaalakhanye Salmo 37:9-11.

Wi muhuserye sincipale, moone mwaha 3 wa liivuru Piipiliya Onahusiha Eheeni Chiryene? olaleeryiwe ti Anamoona a Yehova.

Onnaphwanyeya tho mu www.jw.org/ngl