MAKOHO A PIIPILIYA AAKHULIWE

Tuuvi okhanle omwaahiyu wa achu?

Moohikhwa minikwa achu anahaala otitelela oya vahoolo mu ohuserya. Apwanne anahaala owerya weeriha wi achu oothene epwachaneke mukina ni mukhwaawe? Hooye. Olelo, elapo enahooleliwa ni nrima ni wiirumiha. Nyenya Muluku oolakelela echu yaphaama wa emusi ya achu.​—Mwaalakhanye 2 Petro 3:13.

Masu a Muluku annaloca omwaahiyu wa elapo mwemmo achu anahaalaaya osivelanaka mukina ni mukhwaawe. Achu anahaala okhalaka moohuukhuwa, nave haavo onahaala owoopopihaka.​—Mwaalakhanye Mikeya 4:3, 4.

Nrima nnii nimalihiwe hai?

Woopaceryani, Muluku ampatunxe mulopwana ahirino nrima. Nyenya mulopwana owo oopacerya aayeleela ophaameya wawe moorweela wa othanla ohimwiiwelela Muluku. Orweela wa yoowo hiyaano noorava mathitimanelo a nrima. Mwawiihiiha, Muluku onahaala ompharihela Yesu wi aakookiherye achu ophaameya.​—Mwaalakhanye Aroma 7:21, 24, 25.

Mwawiiwanana ni yookhwela ya Muluku, Yesu aakhwa ntoko mukucho nave oomaliha sookhumelela sa ohiiwelela wa mulopwana oopacerya. (Aroma 5:19) Mwawiihiiha, Yesu oheeriha wi omwaahiyu wootikhiniha okhale wooweryeya vaavaa achu anahaalaaya okhala ootaphuwa mmathitimanelo a nrima yaawo aneeriha opaka yoonanara.​—Mwaalakhanye Salmo 37:9-11.

Wa miselo sincipale, moone ekapitulu 5 ya liivuru Piipiliya Onahusiha Eheeni Chiryene? olaleeryiwe ti Anamoona a Yehova

Onnaphwanyeya tho mu www.jw.org/ngl