MAKOHO A PIIPILIYA AAKHULIWE
Anamwane enii ewerye hai ohuserya omusivela Muluku?
Aniinyu ananwerya omusivela Muluku pahiru wakhala wi aakhalano yawooniherya yawi owo ookhala nave onnaasivela. Wi emusivele Muluku, awo anaphwanela omusuwela. (1 Yohane 4:8) Mwa ntakiheryo, awo anaphwanela osuwela: Tiivi yaari yookhwela ya Muluku ampatuxaka muchu? Ntakhara heeni Muluku onneemererya masooso? Ti heeni Muluku onahaaleiye oweerela achu omwaahiyu?—Mwaalakhanye Afilipi 1:9.
Wi mwaakhaviherye aniinyu omusivela Muluku, munaphwanela owooniherya wi nyuwaano munnamusivela Muluku. Vaavaa anoonaaya yeeyo, awo anahaala ochara yootakiherya anyu.—Mwaalakhanye Malamulo 6:5-7; Masiposipo 22:6.
Munii nwerye hai otannya murima wa anamwane anyu?
Masu a Muluku ti awuupa. (Ahepri 4:12) Nto mwaakhaviherye aniinyu ohuserya mahusiheryo aya oopacerya. Wi atannye mirima sa achu, Yesu aanapaka makoho, aanawiriyana, nave aanataphulela Soorempwa. Wi mutannye mirima sa aniinyu, munaphwanela otakiherya makhalelo a ohusiha wa Yesu.—Mwaalakhanye Luka 24:15-19, 27, 32.
Mwawaacererya, saweereya sa Piipiliya vooloca sa meerelo a Muluku ni achu sinanwerya waakhaviherya aniinyu omusuwela ni omusivela Muluku. Soolaleeryiwa inapakeliwa yoolakelela yeela sinnaphwanyeya mu www.jw.org/ngl.—Mwaalakhanye 2 Timoteo 3:16.
Wi muhuserye sincipale, moone ekapitulu 14 ya liivuru Piipiliya Onahusiha Eheeni Chiryene? olaleeryiwe ti Anamoona a Yehova
Onaphwanyeya tho mu www.jw.org, naari murumihe yooveka anyu wi mvahiwe mmoha mahaleene o entereso va epaaxina 2
[Eruku va epaaxina 32]
Mpharihele soopatuxiwa wi mmukhaviherye mwaninyu omusuwela ni omusivela Muluku