MAKOHO A PIIPILIYA AAKHULIWE

Ti wooweryeya osuwela eparipari vooloca sa Muluku?

Muluku onnaloca ni achu. Owo aapharihela munepa awe waweela wi ahele masu awe mmuupuweloni wa anamarepa a Piipiliya. (2 Pedro 1:20, 21) Nnanwerya osuwela eparipari vooloca sa Muluku moorweela wa omwaalakhanya Piipiliya.​—Mwaalakhanye Yohani 17:17; 2 Timóteo 3:16.

Muluku ohuupulula ichu sincipale vooloca sa yoowo Mpiipiliyani. Owo onnathariha ntakhara heeni aapatunxeiye achu, yeeyo onahaaleiye oweerela achu omwaahiyu, ni mukhalelo onachuneiye wi nikhaleke. (Saweriwa T’arummwa 17:24-27) Yehova Muluku onachuna wi nsuwele eparipari vooloca sa yoowo.​—Mwaalakhanye 1 Timóteo 2:3, 4.

Ntakhara heeni Muluku onnahakalala ni yaale anaavya eparipari?

Yehova, Muluku a eparipari, nave aamurumiha Mwanawe Yesu wi aahusihe achu eparipari. Mwawiihiiha, yaale anaavya eparipari annamutakiherya Yesu. (Yohani 18:37) Muluku onachuna wi achu yaawo ekhale alapeli awe.​—Mwaalakhanye Yohani 4:23, 24.

Satana Musaserya onnaamwalanya achu ancipale wa Muluku moorweela wa omwaramwaxa soohusiha sawootha vooloca sa Muluku. (2 Korinto 4:3, 4) Achu yaawo ahinasiveliwa ni yeeyo eri yaphaama annachariha mahusiho yaawo oowoka. (Aroma 1:25) Nyenya macikhwi aachu annaphwanya eparipari vooloca sa Muluku moorweela wa omuhuserya Piipiliya.​—Mwaalakhanye Saweriwa T’arummwa 17:11.

Wi muhuserye sincipale, moone mwaha 1 wa liivuru Piipiliya Onahusiha Eheeni Chiryene? olaleeryiwe ti Anamoona a Yehova

Onnaphwanyeya tho mu www.jw.org/ngl