NIKUPA 1

Hiyaano Nnahaala Omuwiriyana Muluku Mwawiihayi?

Muluku onnaloca ni hiyaano moorweela wa Piipiliya. 2 Timoteo 3:16

Orweela wa o munyukhuni wawe wirimu, Yehova aahaaveerela alopwana wi emurepe Piipiliya

Muluku eeparipari ahaapharihela muteko achu wi erepe muupuwelo awe mu liivuru mmoharu aweela. Liivuru owo ti Piipiliya. Ola ookhalano miseelo saphaama seiyo Muluku onachuneiye wi nyuwano musuwele.

Muluku oosuwela yeeyo eri yaphaama wa hiyaano, nave owo ti Mathipelo a miruku soothene. Moorweela wa omuwiriyana owo, nyuwo munahaala okhala amiruku chiryene.—Masiposipo 1:5.

Piipiliya mu ilocelo sincipale; mulopwana onamwaalakhanya Piipiliya mu elocelo awe

Muluku onachuna wi muchu ori oothene veelaponi yavathi amwaalakhanye Piipiliya. Hiihaano Piipiliya okhalawo mu ilocelo sincipale.

Wakhala wi nyuwano munnachuna omuwiriyana Muluku, nyuwo munaphwanela omwaalakhanya ni omwiiwexexa Piipiliya.

Achu mmapuro ari oothene annamuwiriyana Muluku. Mateyu 28:19

Namoona a Yehova onamwaalakhanyerya yoorepa mulopwana mmoha, voocharela anamuhuserya Piipiliya vamoha

Anamoona a Yehova anahaala wookhaviheryaani nyuwo omwiiwexexa Piipiliya.

Veelaponi yoothene yavathi awo annahusiha eparipari vooloca sa Muluku.

Mithukumano mu Empa ya Omwene ya Anamoona a Yehova

Nyuwano hamunaphwanela olivela echu eri yoothene vooloca sa mahusiheryo ala. Nyuwo munahaala ohuserya tho vooloca sa Muluku va nipuro Anamoona a Yehova anathukumanaayavo.