Munachuna Woorowa?

Yaalapaka mu orummwa wa mmacani, alaleeryi akina aakhovelela woorowa va elukuluku aya, akhweya mitiya. Aayi, mukhalelo wa akina akhweya onachuna wi emalihe orummwa waya wa mmacani va elukuluku aya. Nyenya nyuwano munnahiya olaleerya nthowa nawi akina mu nikhuuru anneerano nari nthowa nawi vanipuroni vanyu achu aakhovelela woorowa va elukuluku aya? Mwanwerya waacererya orummwa wanyu aminutu vakhaani ni ovaha onamoona wa vanlakani, ntoko olaleerya muramphani? Munanwerya opaka erevisita emoha nari piili muyaaka owaani? Muupuwele mphurelo mwaahaalaanyu ophwanya wakhala wi momphwanya wanawiili muchu onachuna vaate vawe nari wakhala wi momvaha irevista namavira! Wakhala wi hinnaakuvela woorowa, olekela aminutu vakhaani ti mukhalelo wa waacererya “ephepa yomuthamalano Muluku.”​—Ahe. 13:15.