Yoochariha ya Esumana ya 22 a Tesempuru

ESUMANA YA 22 A TESEMPURU

Ncipo15 ni Nivekelo

□ Yoohuserya ya Piipiliya ya Muloko:

my ekap. 66 ni 67 (30 min.)

□ Exikola ya Orummwa Woomuluku:

Waalakhanyiwa wa Piipiliya: Yosuwa 9-11 (10 min.)

No. 1: Yosuwa 9:16-27 (4 min. naari vakhaani)

No. 2: Mwaha wa Ororomeleya Wahu wa Muluku Onnanivolowela Oothene Yeehu.​—bh ekap. 12 ¶14-15 (5 min.)

No. 3: Makhalelo Taani Yaawo Satana Onaphariheleiye Muteko wi Eererye Waamwalanya Achu ni Muluku?​—bh ekap. 12 ¶16 (5 min.)

□ Muthukumano wa Muteko:

Yoorepa ya Mweeri: Nikumiherye vaate ichu “saphama” sa muhakhu ahu seiho nivahiwaahu.​—Mat. 12:35a.

Ncipo 119

5 min:Soothowa sa Vanipuroni.

25 min: “Yoochariha ya Exikola ya Orummwa Woomuluku ya 2015 Ennanikhaviherya Wuuka ni Akina Ichu ‘Saphama’ Moorweela wa Wunnuwiha Mahusiheryo Ahu (Mat. 12:35a).” Othokororyiwe ni Ooweherya a Exikola. Oweherya a exikola onaphwanela othanla iparakrafo wi aalakhanye ahaakumve othokororya. Muthokororye otorokeya orivovo wa mwaha No.1, elukuluku ya Waalakhanyiwa wa Piipiliya, ni ikano sa ooweherya a exikola. Ooweherya aalakhanye eparakrafo 7, nave amala othokororya eyo, ekhalevo yawooniherya ya ntakiheryo ya mutokweene eecihaka malapelo a echoko ni mwaariye vamoha ni anamwane awe apharihelaka mwaha ori mu efolyeto Mapaceryiho a Masu a Muluku vathi va nikoho 8. Oweherya a exikola onaphwanela ocicimiherya yawooniherya ela ya mutokweene vamoha ni echoko awe. Mwaaceenyerye oothene okumiha mphurelo wa mavyakiheryo aphaama anavahiwa variyari va exikola, ni ompharihela phaama liivuru Beneficie-se da Escola do Ministério Teocrático.

Ncipo 117 ni Nivekelo