Yoochariha ya Esumana ya 23 a Fevereru

ESUMANA YA 23 A FEVERERU

Ncipo 21 ni Nivekelo

□ Yoohuserya ya Piipiliya ya Muloko:

my ekap. 79, 80 (30 min.)

□ Exikola ya Orummwa Woomuluku:

Waalakhanyiwa wa Piipiliya: Amuthoriha 19-21 (8 min.)

Wuuluulela Exikola ya Orummwa Woomuluku (20 min.)

□ Muthukumano wa Muteko:

Yoorepa ya Mweeri: Mukhale “Amvai va Miteko Yorera”!​—Tito 2:14.

Ncipo 75

10 min: Soothowa sa vanipuroni

10 min: Okhala Amvai mu Malapelo Eeparipari Ntoko Yesu. Mwaha onarweela mu Mulipeleli 15 a Maiyu 2013, epaaxina 8, eparakrafo 2; ni 15 a Tesempuru 2010, ipaaxina 9-11, iparakrafo 12-16. Mucicimiherye ti mwawiihai olaleerya oryaaya ‘muteko worera’ Akiristu aryaayano ekari ya ophara. (Tito 2:14) Osuwela eparipari onnaneeriha olaleerya michaka yaphaama mwa mvai ni weeciha soohuserya sa Piipiliya. Muthamalele muloko mvai onnooniherya ntakhara miteko saphaama.

10 min: “Nivuwihe Eparipari Vooloca sa Yesu Mwa Mvai.” Othokororya. Akhalevo mulaleeryi onahaala wooniherya “Nikupa 1” na Mulipeleli 15 a Maiyu a 2014, va epaaxina 8 eparakrafo 8, nave mphitaanyerye niphwanaphwaniho nri va epaaxina 9 eparakrafo 13.

Ncipo 5 ni Nivekelo