Mukhalelo wa Opaceryiha Ochekula Mpharihelaka Etrataatu

Ovinyerya mu Yaneru a 2018 epaaxina yoopacerya ya Yoochariha ya Mithukumano Okumi ni Muteko Ahu Weekristu yaanakhalano ochekula wa ntakiheryo. Nave naanaceenyeryiwa ochekula ni achu ohiya pahiru ovaha yoolaleeryiwa. Wi yaakhaviherye alaleeryi otoroka mukhalelo wa olaleerya, ixilema sa ochekula wa ntakiheryo saanooniherya mukhalelo wa ochekula nimpharihelaka pahiru Piipiliya. Apwanne ela enataphulela wi hannaphwanela opharihela soolaleeryiwa nlaleeryaka empa ni empa. Tahi yeeyo! Ntoko yootakiherya, enamukhala ya mphurelo opharihela wi nipaceryihe ochekula. Nnanwerya opharihela yootakiherya enacharela vaavaa nnapharihelaahu etrataatu vyakala:

1. Mmuhiye wi athanle naakhulo na nikoho nnaphwanyeya woopaceryani wa etrataatu.

2. Mmoonihe naakhulo na Mpiipiliyani nnaphwanyeya mu yoorepa va epaaxina yanaawiili. Yakhalavo elukuluku, mwaalakhanye nave muthokororye sooleeliherya ikina sinarweela mpuwa wa etrataatu.

3. Mumvahe etrataatu mwaneene a vaate, nave mmuceenyerye waalakhanya akhalano elukuluku.

4. Muhaakumve opwahavo, mmoonihe nikoho nnaphwanyeya va muru oni, “Wi Muupuwele” nave mpake marehereryo wi mwaakhule nikoho nlo ekwaha enacharela.

Mwakookelawo, mwaakhule nikoho nlo nave mpake nikoho nikina wi mwaakhule ekwaha yoocharela. Munanwerya othanla nikoho nnarweela mu esaiti ahu nnaphwanyeya mu eproxura enooniheryiwa va etrataatu. Wakhala woophwanelela, mpaceryihe eproxura Michaka Yaphaama Yoorweela wa Muluku! naari yoolaleeryiwa enaphwanyeya va Ikaruma Sahu sa Ohusiha.