Otaphuwa wa Muhoolo—Ti Woowereryeya Moorweela wa Muluku ni Kristu

Ichu taani munuukhuwaanyuno nihiku nnihiku? Nyuwaano mwa muru wa echoko nave mookhalano mirici sincipale? Nyuwaano munaaphuwa anamwane meekhiinyu? Nyuwaano mwa mmiravo munahuserya nave munnahoolela okhinyereryiwa ni asinthamwene anyu ooxikola? Nyuwaano munnahoolela nikacamiho na ekumi naari wuuluvala? Muchu ori oothene onnakumana nikacamiho. Anna ancipale annakumanano makacamiho mancipale mu elukuluku emohamoha. Nyenya, hiyaano ninnasuwela wi Yehova onahaala onitaphula wa makacamiho oothene yaala.—2Kor 4:16-18.

Ophiyerya vaavaa, hiyaano ninnalipiheya osuwela wi Yehova onniiwexexa makacamiho ahu, onnavaha esisapo ororomeleya ni ovilela wahu, nave tho ookhalano mareeliho mancipale oreherenryeiye wa hiyaano. (Yer 29:11, 12) Yesu tho onnanipwacha. Vaavaa nnakhwaaniheryaahu murici ahu Weekristu, hiyaano nookhalano yoororomeliha awe: “Miyo kiri ni nyuwo.” (Mat 28:20) Vaava hiyaano nnuupuwelelaahu otaphuliwa wa muhoolo vathi va Omwene wa Muluku, ninnalipiha ewehereryo ahu ni okhala oolakelela ovootha makacamiho nnahoolelaahu mmahiku yaala.—Aro 8:19-21.

MOONE EXILEMA VAAVAA YOOHOOXA ENAACAMELAAYA, MUTIKITHERYE MUUPUWELO ANYU MWA YESU!—MAREELIHO A OMWENE OOMWAAHIYU, NAVE VOOCHARELA MWAAKHULE MAKOHO ALA ANACHARELA:

• Mmukhalelo taani achu aryaaya ocai wa Muluku, nave ni yookhumelela taani?

• Omwaahiyu taani anaweheryaaya yaale ari oororomeleya wa Yehova?

• Mano oni oweryeye hai omwaahiyu yoola wootikhiniha?

• Mareeliho taani a yoolaiherya ya elapo evyaani munaweheryaanyu?