NIKUPA 2

Ovinyerya va Maahini Ophiyerya va Woopoliwa o aYiikuputu

Achu athanu nararu pahi ti yaavulunwe wa Maahi, nyenya woovira wa elukuluku yaahaacereryeya mu walakhanyerya waya ophiyerya masana masaneene. Ovinyerya vaavaa, iyaakha 352 vachuli va Maahi, Aaparahamu aahiyariwa. Nnahaala osuwela sa mummo Muluku aakhwanihenryiye nlakano nawe momvaha Aaparahamu mwaana awiichaniwa Isaaki. Vanonto, wa anamwane eeli a Isaaki, Muluku aahimuthanla Yaakopo.

Yaakopo aahikhala ni echoko etokotoko ya anamwane aasilopwana 12 ni aasithiyana awii akavi. Anamwane aasilopwana 10 a Yaakopo yaanamwiica muhimaaya, Yoosefe, nave yaahimutumiha mu okapuro o aYiikuputu. Vachuli vaya, Yoosefe aahikhala olamulela oochuneya a mu aYiikuputu. Ekhumelenleene etala etokotoko, Yoosefe aahiweeha asinneeni, wii awoone yaarimwii yaatoronke makhalelo a murima. Vookuchula vaya, echoko yoothene ya Yaakopo, aIsarayeli, yaahithaamela o Yiikuputu. Ela yeerenyee iyaakha 290 vachuli va oyariwa wa Aaparahamu.

Mu iyaakha 215 soocharelavo, aIsarayeli yaahikhala mu aYiikuputu. Vachuli va okhwa wa Yoosefe, yaahikhala akapuro weiwo. Mu ovira wa elukuluku, Moose aahiyariwa, nave Muluku aahimpharihela muteko wii awoopole aIsarayeli o Yiikuputu. Voothevene, Nikupa ANAAWIILI anuuranya iyaakha 857 sa saweereya.