Mano Taani Opachunsheni?

1 Muluku oopaka erimu ni elapo yavathi.—Genesis 1:1.

2 Muluku okhala ni nsina. Nsina nawe ti Yehova.—Salmo 83:18.

Yehova onakhala wirimu. Owo ti munepa. Nyuwo himunawerya omoona.—Yesaya 66:1; Yohane 1:18; 4:24.

3 Yehova Muluku ohaapaka angelo anchipale wirimu. Yaalatho minepa. Othene yaari aphama. Khalai, elukuluku ekina yanawara omutchu wii atchu ewerye owoona.—aHebri 1:7.

4 Yehova aahipaka inama elukuluku yiinchipale muchuli, ahaakumve ompaka mutchu.—Genesis 1:25.

5 Yehova aahimpakatho mulopwana awiitchaniwa Adamu ni mwaariye awiitchaniwa Hava.—Genesis 1:27.

Muluku ahiwiiyathi mu emacha yorera nari wii paradaiso. Aampanke muthiyana mmoha pahi ntakhara a Adamu. Mulopwanowo aaphwanela wii akhale ni mwaariye mmoharu yola pahi.—Genesis 2:8, 21, 22, 24.

6 Mutchu ti okumi.—Genesis 2:7.

7 Inama ti ikumi.—Genesis 1:24.