Mapaceryiho a Nikupa 6

Vaavaa Aisarayeli yaavolonwaaya mu Elapo ya Nlakano, waanaphariheliwa muxakala wi alapeliwemo Yehova. Anamukucho yaanahusiha Malamulo nave amuthoriha yaanahoolela nloko. Nikupa nenla ninnooniherya mukhalelo soolakelela ni saweera sa muchu inaavolowelaaya akina. Muchu ti muchu a Aisarayeli aakhalano murici vamiithoni va Yehova ni achu. Mucicimiherye mukhalelo achu ala yaakhavihenryaaya nloko noothene: Tepora, Nowemi, Yosuwa, Ana, mwaana amwaamuthiyana a Yefite ni Samuwele. Mvuwihe tho wi achu a maloko makina yaalakelela okhala vamoha ni Aisarayeli nthowa nawi yaanasuwela wi Muluku aari ni Aisarayeli, achu ntoko Rahapi, Ruthi, Yayeli ni Akapawoni.