MWAHA WA EKAAPA | MUNNIISOONA OKHALA AWAATAANA NI MULUKU?
Hiwaavo Mukhalelo Waphaamaxa wa Okumi
Tiheeni munaphwanelaanyu weera wi mukhale awaataana ni Muluku? Noothokororya mikhalelo inacharela hiiho munaphwanelaanyu weera wi mwaaceererye onthamwene ni yoowo:
1. Musuwele nave mpharihele nsina na Muluku, Yehova.
2. Muloceke ni Muluku moohihiyererya moorweela wa ovekela ni ohuserya Masu awe, Piipiliya.
3. Mutitelele weera yeeyo enamuhakalaliha Yehova.
Mwawiiwanana ni mikhalelo seiya, mwanwerya oloca wi munneera yeeyo enachuneya wi mukhale awaataana ni Muluku? Aakhala makupa munoonaanyu wi munaphwanela orehererya? Mweeparipari, onachuneya wiilipixerya, nyenya muthokororye sookhumelela.
Yenifa, a Estados Unidos onnaloca: “Wiilipixerya waaceererya onthamwene ni Muluku ti wa mphurelo. Onthamwene yoola onnavaha mareeliho mancipale: omuroromela Muluku ni murima woothene, wiiwexexa omuchu awe, opwaha soothene osivela woolipa. Hiwaavo mukhalelo waphaamaxa wa okumi!”
Wakhala wi munnachuna opuha onthamwene ni Muluku, Anamoona a Yehova anahaala ohakalala wookhaviheryaani. Awo anahaala oreherya yoohuserya ya Piipiliya wa nyuwaano, mahaleene. Munnawompwa tho orwa mmithukumano mu Empa ya Omwene ya va nipuroni, weiwo munahaala opuha waataana ni yaale anacicimiha onthamwene aya ni Muluku.a Vaavaa muneeraanyu yeeyo, munahaala wiisoona ntoko namarepa a salmo: “Nyenya miyo, onnakirerela omwachamela Muluku.”—Salmo 73:28.
[Nsu na vathi]
a Wi mveke Yoohuserya ya Piipiliya naari mphwanye Empa ya Omwene vakhiviru vanyu, khwoo muloce ni muchu oovanheni erevista ela naari mpharihele site ahu, www.jw.org, nave moone muru MULOCE NI HIYO va epaaxina yoopacerya.
[Eruku va epaaxina 7]
Mwaataane ni Muluku moorweela wa opharihela nsina nawe, ovekela wa yene, ohuserya Masu awe, ni weera yeeyo enamuhakalaliha