Tiheeni Piipiliya Onaloceiye?

Apwanne Piipiliya onanwerya wookhaviheryaani omaliha wuukhuwa?

Mwaahaala waakhula hai?

• Aai

• Hooye

• Akhweya

Piipiliya Oni

“Mmukuherye yowo oteteiwa wanyu wothene, ntakhara ti yowo onokhapelelani.” (1 Pedro 5:7) Piipiliya onnaroromeliha wi Muluku onanwerya wookhaviheryaani omaliha wuukhuwa wanyu.\

Echu Taani Ekina Nnahuseryaahu Orweela Mpiipiliyani?

• Moorweela wa ovekela, nyuwaano munahaala okhalano “muretxele wa Muluku,” yoowo onahaala oviihavo wuukhuwa wanyu.​—Filipi 4:6, 7.

• Mwawaacererya, waalakhanya Masu a Muluku enamookhaviheryaani ovootha othanana.​—Mateu 11:28-30.

Apwanne wuukhuwa onarwa omala?

Achu akina anuupuwela wi . . .  wuukhuwa ni othanana nnamuyariwano, nave akina aneemererya wi wuukhuwa ni othanana onamala pahiru wakhala wi muchu ookhwa nave aya nipuro naphaama. Hanka nyuwaano munoona hai?

Piipiliya Oni

Muluku onahaala omaliha ichu inatannya wuukhuwa. Owo oni: “Horwa okhalavo okhwa, nari winla, nari ikutxho, nari witxela.”​—Wupulula 21:4.

Echu Taani Ekina Nnahuseryaahu Orweela Mpiipiliyani?

• Mu olamulelo wa Omwene wa Muluku, achu eni enakhala mmureceleni ni oohuukhuwa.​—Isaiya 32:18.

• Wuukhuwa ni othanana onahaala ocuwaliwa.​—Isaiya 65:17.