Sawooniherya sa Ntakiheryo

Opaceryiha Soohuserya sa Piipiliya Nawoorowa Oopacerya a Yulyu

Munuupuwela wi Muluku onoona hai mavekelo ahu? Munuupuwela wi owo onnavaha esisapo naari akhweya onamweemererya pahiru? Nweherye naakhulo. Mmoonihe oculi wa A Sentinela 1 a Yulyu, nave muthokororye vamoha mwaha onaphwanyeya vathi va nikoho ni yoorepa emoha eromoliwe. Mumvahe erevista, nave mpake marehereryo wi muthokororye nikoho noocharela.

Sentinela 1 a Yulyu

“Woona wi Muluku ta ikuru soothene, nyuwaano munuupuwela wi owo toneeriha ichu soothene soonanara sineereya mweelaponi? [Nweherye naakhulo. Nave voocharela mwaalakhanye yoorepa ya Yakopo 1:13.] Erevista ela ennathokororya ntakhara heeni ichu soonanara sinneereya nave tiheeni Muluku onahaaleiye weera wi amalihe onanara ni makacamiho.”

Despertai! a Yulyu

“Oothene hiyo ninnakumana ni ipahu, ntoko ipahu sa maphacuwelo, ekumi yoosareya ni ireca, naari okhwa wa oosiveliwa ahu. Vaavaa ichu seiha sineereyaaya, munuupuwela wi ti wookhweleya okhalano moonelo wa phaama? [Nweherye naakhulo.] Achu ancipale annaphwanya nikhaviheryo Mpiipiliyani wi evilele ni ipahu. [Mwaalakhanye Aroma 15:4.] Erevista ela ennooniherya ti mwawiihai Piipiliya onanikhaviheryeiye vaavaa nnakumanaahu ni ipau.”