Sawooniherya sa Ntakiheryo

Opaceryiha Soohuserya sa Piipiliya Nawoorowa Oopacerya a Novempuru

“Nkoonani nikoho nla nookhweleya. [Mwaalakhanye nikoho noopacerya nri oculi wa Mulipeleli 1 a Novempuru.] Munoona hai? [Mwaalakhanye iparakrafo piili iri vathi va nikoho vamoha ni yoorempwa eromoliwe.] Kanwerya okooka wi nthokororye ntakhara heeni Yesu aaroromeliha ovinya mukhaani, nave enataphulela heeni wa hiyaano?”

Sentinela 1 a Novempuru

“Montoko wiikoha ntakhara heeni ichu sincipale soonanara sineereyaaya mweelaponi? [Nwehererye naakhulo.] Piipiliya onnathariha mathoweene mu Yawupulula 12:9. [Mwaalakhanye.] Nave, eversikulu 12 ennanivaha eweheryeryo. [Mwaalakhanye Yawupulula 12:12.] Moohilekela ovolowela woonanara wa Satana onahaala omala Mwaha yoola orino muru ‘Ninnaphwanela Omoova Satana?’ onnathokororya mukhalelo nnaphwanelaahu wiikhapelela wa ovolowela wawe hiihaano ni yeeyo enahaala weereya ni Satana omwaahiyu. Ela erevista anyu.”

Despertai! a Novempuru

“Achu oothene annachuna okhala oohakalala, nyenya ancipale olelo ari oohihakalala. Munoona hai, tiheeni enaruuha ohakalala weeparipari? [Nwehererye naakhulo.] Mphwanye nikhaviheryo Mpiipiliyani na okhalano okumi woohakalaliha. Ntoko yootakiherya, moone nlakiheryo nla na Piipiliya. [Mwaalakhanye Ahepri 13:5.] Erevista ela ennathokororya soohulela xexe sa Piipiliya sinaruuha ohakalala weeparipari.”