“Masu a Nlamulo . . . Ekhaleke Mmurimani Mwà”
Asitiithi ari ntoko akukhula. Awo anaphwanela waakhapelela phaama anaaya, woona wi annaakuvela opheruwa ni ohipheliwa. (Masi. 27:23) Asitiithi enii ewerye hai waakhwaniherya nlamulo nenla? Awo anaphwanela omaliha elukuluku yincipale nihiku nnihiku evaanelaka ni anaaya wi esuwele tiheeni eri mmuupuwelo ni mmurimani mwaya. (Masi. 20:5) Asitiithi tho anaphwanela oteka ni sootekano soolipa sihinavya ni mooro wi elipihe nroromelo na anaaya. (1 Akor. 3:10-15) Exilema ‘Estas Palavras Têm de Estar sobre o Seu Coração’ ennooniherya ochuneya waya wa opaka wiiliwiili malapelo a echoko. Moone ntoko echoko, voocharela muthokororye makoho anacharela.
(1) Tiheeni yeerinhe wi emusi ya Roman eyeleela soochuna soomunepani? (2) Ntakhara heeni wiilipixerya woopacerya wa munna Roman wa opaka malapelo a echoko hiwaakhumelenle phaama? (3) Soorepa taani saamukhavihenrye okhaleno mphurelo mu waahusiha anamwane awe? (Malam. 6:6, 7) (4) Tiheeni enii ekhaviherye olocihana phaama veechokoni? (5) Wiilipixerya taani anamwane anaweheryeryaaya wa asitiithi aya? (6) Ti mwawiihai munna Barrow ni mwaariye yaavanhaaya yootakiherya yaphaama wa echoko ya Roman? (Masi. 27:17) (7) Tiheeni muru wa echoko onaphwaneleiye weera wi malapelo a echoko ekhale a mphurelo? (8) Tiheeni munna Roman enreiye wi ichu sikhale saphaama vachokoni vaya? (9) Ntakhara heeni ti woochuneya otitelela opaka malapelo a echoko? (Aef. 6:4) (10) Malakiheryo taani ookhweleya anakhaviherya malapelo a echoko? (11) Ti mwawiihai munna Roman aareiye oomaaleleya nyenya oolipa vaavaa aamukhavihenryeiye Marku weerano yeeyo yaari yaphaama? (Yer. 17:9) (12) Ti mwawiihai munna Roman ni mwaariye emukhavihenryaaya Repeka wi apake yoothanla yaphaama vooloca sa waataana wawe ni Yustino? (Mar. 12:30; 2 Tim. 2:22) (13) Munna Roman vamoha ni mwaariye yoonihenrye hai nroromelo vaavaa yaapakaaya matorokelo a okumi aya? (Mat. 6:33) (14) Ti mwawiihai exilema ela enalipiheryaaya ochuneya waya muru wa echoko ovaha yoolya yoomunepani wa echoko? (1 Tim. 5:8) (15) Tiivi eri yoolakelela anyu ntoko muru wa echoko?
MASU WA MURU WA ECHOKO: Etrama yeela ya mahiku ahu yooniheryiwe mmuthukumano wa muceche 2011. Mu elukuluku yeeyo, mwaahoona ochuneya wa oyano vahoolo malapelo a echoko? Hanka vooloca sa hiihaano? Wakhala wi onnachuneya opaka matorokelo, mvekele nave mpake matorokelo wi echoko anyu ekhaleno mphurelo.—Aef. 5:15-17.