Taani Kinaphwanelaaka Onwopa

Eyaakha eri yoothene ninnapaka mukipici wa vameekhaaya wa waawopa achu wi nuupuwelele okhwa wa Yesu. Ancipale a yaawo, achu nihaasuwenlaahu. Nnaphwanela tho waawopa achu yaawo naasuwenlaahu. Achu anaakhela nwopelo wa muchu amusuwenlaaya, onakhala wookhweya weemererya. (yb08-T epaax. 11 epara. 3; epaax. 14 epara. 1) Taani munachunaanyu onwopa?

• Amusi

• Yaale munalapaanyuno naari asinthamwene ooxikola

• Amwaacamani

• Yaale nnaaxekuryaahu wiiliwiili, naahin’yaahu waaxekurya ni nnahuseryaahuno Piipiliya

Mwawaaceererya, atokweene anaphwanela waawopa yaale ari ooceecheya. Tiheeni munaphwanelaanyu weera wakhala wi muchu munachunaanyu onwopa ori ocai? Munanwerya omuleela elukuluku nipuro aacamenleiyewo moorweela wa oya mu jw.org va nikupa HIYAANO NAANI, nave muthanle “Wuupuwelela.” Vaavaa muniirehereryaanyu ntakhara mukonelo, nwuupuweleleke yaawo munahaalaanyu waawopa, wi nwerye waawopa.