Ekampaanya ya Olokoha Mukonelo Enapacerya 22 a Marsu

Eyaakha yeela ekampaanya ya waawopa akina wi ephiye mukonelo enahaala opacerya Nawoorowa 22 a Marsu. Oothene ninnaceenyeryiwa wi nikhaviherye vancipale. Omakuchuwelo wa esumana nnahaala ovahaka tho irevista wakhala waweemereryeya. Nawoorowa oopacerya a April, nnahaala oweiwa ni okawa nwopelo ohiya opaceryiha soohuserya sa Piipiliya. Nyenya, namphwanya muchu onooniherya nchuno, hiyaano poti weererya opaceryiha yoohuserya ya Piipiliya. Ooweherya a muteko poti olakelela moota wa okaiwa nwopelo wi alipa oolaleerya ewerye omaliha ikulucu sawaaca. Mpake elista ya asuweli ntoko, asinthamwene oomutekoni, ooxikola nave tho irevisita, ni akina yaawo munachunaanyu waawopa, nave mwaannye nwopelo ekampaanya yapacerya. Hiyaano nnaweherya wi ancipale anahaala othukumana ni hiyo vaavaa nnahaalaahu wuupuwelela osivela otokweene wa achu eeli.​—Yohane 3:16; 15:13.