WIIKHOVELELIHA MUTEKO WA MMACANI

Mukipici wa Okawa Nwopelo wa Muthukumano wa Muceche

Iyaakha soothene, ninnaakhela yoolya yoomunepani yoorehereryiwa phaama va muthukumano wa muceche. Nave nnahaala waawopa achu ancipale wi ethukumane ni hiyaano, nave tho elawihe ni yoone wi Yehova taphaama. (Sal 34:8) Nikhuuru na atokweene nnahaala olakelela mukhalelo woophwanelela wa okawa miwopelo.

ICHU NNAPHWANELAAHU WUUPUWELELA

Muthukumano owo onaya weereya nihiku taani?

Nnaya opacerya liini okawa miwopelo?

Mithukumano sa muteko wa mmacani sinaya weeriwakano woowi?

Teevi eri yoolakelela aka mmukipici yoola?

Taani kinaphwanelaaka waawopa?

MUNII MUKAWE HAI?

Mmanle omukoha muxelo, muloce:

“Nnapaka muteko oneeriwano elapo yoothene wa okawa nwopelo ntakhara muthukumano woochuneyaxa. Nihiku, elukuluku, ni nipuro nene noorempwa va nwopelo yoola. Nnamusiveliwa okhala vamoha ni nyuwaano va muthukumano yoola.”

MUNII MWAACEERERYE HAI NCHUNO?

Naamwi nchunaka waawopa achu ancipale wi ephiye va muthukumano wa muceche, ti woochuneya tho waaceererya nchuno na yaale oonihenrye.

Omakuchuwelo wa esumana, nyuwaano munaphwanela ovaha erevista vamoha ni nwopelo.