OKUMI WEEKRISTU

Mpharihele Ekaruma Mpuhe Okumi Okhala Wookhala! Mmuteko Woolaleerya

Ti yoohakalaliha okhalano eproxura ni liivuru muvyaani wi neecihekeno soohuserya sa Piipiliya! Ninnavekela wa Yehova wi areelihe wiilipixerya nnapakaahu wi naapake oohuserya ancipale. (Mat 28:18-20; 1Kor 3:6-9) Nni nipharihele hai ikaruma seiha ivyaani?

Liivuru Mpuhe Okumi Okhala Wookhala!, ovaanela vooloca sa Piipiliya, onnooniherya mukhalelo muvyaani wa ohusiha, mucharihe sooleeliherya inacharela vaavaa muniirehereryaanyu ni weeciha soohuserya sa Piipiliya.a

Mwaalakhanye mwaha, nave muthokororye makoho
Mwaalakhanye soorepa makupa ani “mwaalakhanye”, nave mmukhaviherye oohuserya wiiwexexa mukhalelo inaphariheleyaaya
Moonihe ixilema nave muthokororye, mpharihelaka makoho avahereryiwe
Mweererye ovuwiha iponto soochuneya sa mwaha ti mwaha

Mmuteko woolaleerya, mpacerye ovaha eproxura wi moone waakhanle wi muchu owo ookhalano nchuno. (Moone ekaaxa “Mukhalelo wa Ovaha Eproxura Mpuhe Okumi Okhala Wookhala! mu Ekwaha Yoopacerya.”) Wakhala wi moohuserya vamoha eproxura nave oohuserya anachuna otitelela ohuserya, mumvahe liivuru nave mpacerye ohuserya mwaha 04. Waakhanle wi mwaanahuserya ni muchu mukina mumpharihelaka liivuru Tiheeni Piipiliya Onanihusiheiye? naari Mutitelele Omusivela Muluku, mmutoroke ni liivuru Mpuhe Okumi Okhala Wookhala! nave mulakelele makupa munahaalaanyu opaceryavo.

Mutheli mmohamoha ampharihelaka liivuru “Mpuhe Okumi Okhala Wookhala!” wi eecihe yoohuserya ya Piipiliya ni mulopwana yoowo ori vaate vawe.

MOONE EXILEMA MUNNAAKHELIWA VA YOOHUSERYA ANYU YA PIIPILIYA, VOOCHARELA MWAAKHULE MAKOHO ANACHARELA:

Tiheeni oohuserya a Piipiliya anahaalaaya ohuserya mu liivuru yoola muvyaani?
Ntakhara heeni munnaphwanela owooniha exilema yeela oohuserya avyaani?
Soolakelela taani mwaahaalaanyu omuceenyerya oohuserya yoowo onaya vahoolo otikitherya ni okhwaaniherya?—Moone yooleeliherya “Iponto sa Vasulu ni Soolakelela wa Makupa ti Makupa”

a ENOOTA: Naamwi makupa ani “Otholathola” eri yoolakelela anyu opharihela naari hooye variyari va yoohuserya, mphwanye elukuluku wi mwaalakhanye naari woona ikaruma iromoliwe vaavaa muniirehereryaanyu. Mweerano yeela, munahaala osuwela echu yeeyo xaxaxa enahaala omukhaviherya oohuserya anyu. Mu ikhankoonya aakhalamo a linkhi yaawo enamukeriha muchu va ixilema naari ikaruma ikina.

IPONTO SA VASULU NI SOOLAKELELA WA MAKUPA TI MAKUPA
	MIYAHA	IPONTO SA VASULU	OOLAKELELA WA OOHUSERYA
1	01-12	Muthokororye mukhalelo Piipiliya ookhavihenryeiyeni ni mukhalelo mwaamusuwenlaanyu Mwaneene a Piipiliya	Moone yeeyo Muluku opankeiye wa hiyo ni mukhalelo owo onachuneiye wi nimulapeleke
2	13-33	Muthokororye yeeyo Muluku onaweheryeiye wa alapeli awe	Muhuserye mukhalelo muneeraanyu mutitelele mu osivela wa Muluku
3	34-47	Mmuceenyerye oohuserya omwaalakhanya Piipiliya, wiirehererya ntakhara yoohuserya, ni ophiya mmithukumano	Mmuceenyerye oohuserya waaleela akina eparipari ni okhala mulaleeryi
4	48-60	Mmuceenyerye oohuserya oveleela okumi awe wa Yehova ni opatisiwa	Mmuhusihe oohuserya mukhalelo wa ohiyaniha yaphaama ni yoonanara nave tho oya vahoolo omunepani