Mpharihele Saweereya Sahiihaanoru Mmuteko Woolaleerya

Mmuteko awe woolaleerya, Yesu aanapharihela saweereya sahiihaanoru wi ahusihe echu yoochuneya. (Luka 13:1-5) Nyuwaano tho munanwerya opharihela saweereya sahiihaanoru wi mutannye nchuno na achu ntakhara muchaka wa Omwene. Mmanle oloca mukhalelo okumi oryaaya woovila, nthowa na ipahu sa maphacuwelo, owanawana wa maloko, olya mirece, naari echu yoolikana, mpake nikoho nnahaala omweeriha muchu wuupuwela. Mmukohe: “Apwanne munuupuwela wi nnarwa noona omala wa . . . ?” naari “Munuupuwela wi tiheeni enahaala omaliha . . . ?” Voocharela mwaalakhanye eversikulu ya Mpiipiliyani eniiwanana ni mwaha ene yoowo. Wakhala wi muchu owo ohooniherya nchuno, mmoonihe exilema naari yoolaleeryiwa enaphwanyeya mu Ikaruma Soohusihano. Vaavaa nniilipixeryaahu otannya mirima sa achu a ekulucu ahu, nnanwerya ‘weerano soothene wanthowa na michaka yaphaama.’—1Kor. 9:22, 23.

Miyaha taani siri soochuneyaxa wa achu a mu ekulucu anyu?