Achu Oomunepani Annapaka Soolakelela Mwa Miruku

Mwaalakhanye Mapacereryo 25:29-34 wi musuwele waakhanle wi Esawu ni Yakopo yaapaka soolakelela saphaama.

Muhuserye mwawiixeela mwaha woothene. Tiheeni yeeren’ye woopaceryani? (Map. 25:20-28) Tiheeni yeeren’ye voocharela?—Map. 27:1-46.

Muhuserye mwawiixeela vooloca sa sooleliherya. Mu elukuluku yeele, ikari taani ni mirici anamwane asilopwana oopacerya oyariwa yaaryaayano?—Map. 18:18, 19; Sentinela, 1/5/2010, epaax. 13.

• Apwanne anamwane oopacerya tiyaaphwanela okhala makholo a Mesiya? (Mulipeleli, 02/2018, ipaax. 31-32)

Muupuwelele mahusiheryo yaawo muhusenryaanyu ni mukhalelo munahaalaanyu opharihela. Ntakhara heeni Yakopo aahivaha esisapo ekari ya otokweene ompwaha Esawu? (Ahe. 12:16, 17; Sentinela, 15/10/2003, ipaax. 28-29) Mmukhalelo taani Yehova aamooneiye Esawu ni Yakopo, nave ntakhara heeni? (Mal. 1:2, 3) Tiheeni Esawu aaphwaneleiye weera wi apake yoolakelela yaphaama?

• Mwiikohe: ‘Kini kooniherye hai wi omulapa Yehova echu yoochuneya mu okumi aka, vaavaa kinapharihelaaka phaama elukuluku variyari va esumana ni vaavaa kinapakaaka marehereryo a malapelo a echoko aka?’