Tlen timomachtis itech iTlajtol toTajtsin

Biblia kipiya iTlajtol toTajtsin tlen kineki kimijlis tlaltikpakchanejkej. Ika yejon kixmatij ken iTlajtol toTajtsin. Techmachtia kenon tinemiskej ika paktli niman kenon tikyolpaktiskej toTajtsin, niman technankilia tlen miyekpa totlajtoltiaj ken yejuin:

1 ¿Akinon toTajtsin?
2 ¿Kenon uelis tikixmatis toTajtsin?
3 ¿Akinon okijkuilo Biblia?
4 ¿Yemelak ijkon ken kijtoua Biblia itech tlaltikpaktli?
5 ¿Itech tlenon tlajtoua Biblia?
6 ¿Tlenon okijto Biblia itechkopa Mesías?
7 ¿Tlenon kijtoua Biblia panoskia ipan yejuin tonajli?
8 ¿ToTajtsin techtlajyouiltia?
9 ¿Tleka panoua tlemach tlen xkuajli?
10 ¿Tlenon kijtoua Biblia nochiuas ika tlayekapan?
11 ¿Tlenon panoua ijkuak se miki?
12 ¿Uelis yoliuiskej akin yomijkej?
13 ¿Tlenon kijtoua Biblia itech tekitl?
14 ¿Kenon uelis kuajli tiktekitiltis tomin?
15 ¿Kenon uelis tinemiskej ika pakilistli?
16 ¿Kenon tikimixnamikiskej tlaueltin niman tlen techtekipachoua?
17 ¿Kenon Biblia uelis kinpaleuis mochanejkauan?
18 ¿Kenon uelis tonisiuiskej itech toTajtsin?
19 ¿Itech tlenon tlajtouaj amoxtin tlen kipiya Biblia?
20 ¿Kenon tikpouas Biblia tla tikneki mamitspaleui ipan monemilis?

KENON TIKINTEJTEMOS TLAXELOLTIN PITENTSITSINTIN IPAN BIBLIA

Biblia kipiya 66 amoxtin. Ojkan xeliujtok: Tlajkuiloltin ika Hebreo niman Arameo niman Tlajkuiloltin Griegas Cristianas. Sekimej tlaltikpakchanejkej kimixmatij ken Antiguo Testamento niman Nuevo Testamento. Ipan Biblia, nochi amoxtin kipiyaj tlaxeloltin uejueyimej niman tlaxeloltin pitentsitsintin. Ijkuak notejtemoua se texto, kachtopa noteneua amoxtli, sakin tlaxelojli ueyi, niman tlaxelojli pitentsin. Matikteneuakan se, Génesis 1:1 kijtosneki Génesis tlaxelojli ueyi 1, tlaxelojli pitentsin 1.