ToTajtsin okimpopolo tlaltikpakchanejkej xkuakualtin

18 Ikoneuan Adán onomiyekilijkej. Noijki onochiujkej xkuakualtin. ToTajtsin okinemili kimpopolos (Génesis 6:1, 5, 7).

19 Nemiya se kuajli tlakatl, itoka katka Noé (Génesis 6:8, 9).

ToTajtsin Jehová okinauati makichijchiua se ueyi barco kampa makisaskia yejua iuan ichanejkauan ijkuak kimpopoloskia xkuakualtin. Yejuin barco katka kentla se ueyi caja. Okitokayotijkej akajli (Génesis 6:13, 14).

20 Yejuamej okinkalaktijkej miyekej yolkamej ipan akajli (Génesis 6:19-21).

21 Jehová okichiuj makiaui chikauak. Nochi tlaltikpakchanejkej xkuakualtin omijkej. Akin nemiyaj ijtik akajli omakiskej. ¿Tikmati tleka? (Génesis 6:17; 7:11, 12, 21; 1 Pedro 3:10-12.)