Tikseliskej itlaj tlen melak kualtsin
“San ika, noneki tikmatis ika ipan itlamiyan tonaltin panos tlen melak xkuajli niman ouijtika yes titlaxikos” (2 TIMOTEO 3:1, TNM).
¿YOTIKITAKA noso yotiktekakilijka itlaj ken yejuin?
● Se kokolistli miyekej kinmiktia.
● Miyekej mikij pampa xkipiyaj tlen kikuaskej.
● Miyekej mikij niman sekimej kinpolouaj inkaluan ipampa tlalolinalistin.
Matikitakan nochi tlen aman panotika. Niman tikitas ika Biblia yokijtojka ika nochi yejuin panoskia “ipan itlamiyan tonaltin”.a
Yejuin revista xsan kijtoua tlen xkuajli nochiujtika, noijki techititia tlen kualtsin tikseliskej ika tlayekapan. Niman techasikamachiltis ika nochi tlen aman panotika techititia ika itinemij “ipan itlamiyan tonaltin”. Niman noijki tikitaskej tlenon kinemiliaj sekimej itech yejuin, niman tleka uelis tikneltokaskej ika ajsis tonajli ijkuak melak kuajli tinemiskej.
[Nota]
a Tla tikneki tikmatis tleka toTajtsin kitekauilia matitlajyouikan, xkita tlamachtijli “¿Tleka toTajtsin kitekauilia maonia tlen xkuajli niman matitlajyouikan?”, ipan páginas 16 niman 17 de yejuin revista.