¿Tlenon kijtoua Biblia?

¿Tlenon kijtosneki Armagedón?

Tlen sekimej kineltokaj

Kinemiliaj ika se ueyi tlapopoluilistli tlen nochiuas ika bombas noso ika se tlaixpolouilistli ipan tlaltikpaktli. ¿Tlenon tiknemilia tejua?

Tlen Biblia kijtoua

Armagedón yes kampa “nouijsokiskej iuan Dios” akin nochi ueli, “ipan iueyi tonal”, se guerra kampa kimixnamikis akin xkuakualtin (Apocalipsis [Revelación] 16:14, 16).

¿Tlenon noijki uelis tomachtiskej itech Biblia?

• ToTajtsin xtlauisoki ipan guerra tlen itoka Armagedón pampa kipopolosneki tlaltikpaktli, yejua tlauisoki pampa ijkon xkinkauilis tlaltikpakchanejkej makipopolokan tlaltikpaktli (Apocalipsis 11:18).

• Armagedón kintlamiltis nochi guerras (Salmo 46:8, 9).

¿Uelis timakisaskej itech Armagedón?

¿Kenon tiknemilia tejua?

• Kema

• Ka

• Kanaj kema

Tlen Biblia kijtoua

“Sanoyej miyek tlakatl” itech nochi tlaltikpaktli makisas itech “temojtij tlajyouilistli” niman itech tlen ontlamis: guerra tlen itoka Armagedón (Apocalipsis 7:9, 14).

¿Tlenon noijki uelis tomachtiskej itech Biblia?

• ToTajtsin kineki ika melak miyekej tlaltikpakchanejkej mamakisakan itech Armagedón. Yejua san kinpopoloua tlaltikpakchanejkej ijkuak xok itlaj ueli nochiua (Ezequiel 18:32).

• Biblia techtomilia kenon timakisaskej itech Armagedón (Sofonías 2:3).