Xmapeua tlen uelis mitsijtlakos itech redes sociales

TLEKA MELAK NONEKI. Ijkon ken panoua ika miyek tlemach, tikitas redes sociales uelis mitspaleuis noso mitsijtlakos. Sekimej akin kichiuaj ken Cristo yokitlapejpenijkej xkitekitiltiskej, niman oksekimej kitekitiltiaj niman ijkon nonotsaj inuan ichanejkauan niman akin imiuan nouikaj. San ika, Satanás kineki xkuajli matiktekitiltikan redes sociales, yejua kineki kijtlakos ken touikaj iuan Jehová niman xkuajli matechitakan. Ijkon ken Jesús okichiuj, uelis tikintekitiltiskej tlajtolyekanalistin tlen kipiya Biblia, ijkon tikitaskej tlen uelis techijtlakos niman tikmapeuaskej (Lu 4:4, 8, 12).

TLEN UELIS TECHIJTLAKOS:

• Tiktekitiltis miyek tiempo. Tla miyek horas tiuejkauij ika tiktekitiltiaj redes sociales noso Internet, uelis techkuilis tiempo tlen tijkuiskiaj itech itekiyo toTajtsin.

  Tlajtolyekanalistin tlen kipiya Biblia: (Ef 5:15, 16; Flp 1:10)

• Tikitas tlen xkinamiki. Tla tikimitaj tlaixkopinaltin tlen xkinamiki uelis kichiuas ika matikitakan noso matikchiuakan auilnemilistli. Tla tikpouaj noso tikitaj tlen kitlejkoltiaj akin kixnamikij tlen melauak, uelis kijtlakos totlaneltokil.

  Tlajtolyekanalistin tlen kipiya Biblia: (Mt 5:28; Flp 4:8)

• Tikijkuilos noso tikintlejkoltis tlaixkopinaltin tlen xkinamiki. Pampa toyojlo tekajkayaua, yakaj uelis kijkuilos itlaj noso kitlejkoltis tlaixkopinaltin tlen xkinamiki ipan redes sociales. San ika, tla yejuin kichiua uelis kijtlakos itlaneltokil niman kichiuas xkuajli makitakan.

  Tlajtolyekanalistin tlen kipiya Biblia: (Ro 14:13; Ef 4:29)

XKITA VIDEO XTEKITILTI REDES SOCIALES IKA TLAMACHILISTLI, SAKIN XKITAKAN KENON UELIS TIKINMAPEUASKEJ TLAUELTIN TLEN NIKAN UAJNESTIUEJ: