Matomachtikan melak kuajli matitenojnotsakan: Matikimijkuilokan cartas

TLEKA MELAK NONEKI: 1 Corintios se carta tlen okijkuilo apóstol Pablo. Yejua okijkuilo 14 cartas niman ijkon kinyolchikauas tokniuan. Melak tepaleui ijkuak se kijkuiloua se carta. ¿Tleka? Pampa akin kijkuiloua carta uelis kitas tlen tlajtoltin kintekitiltis, niman akin kiselis yejon carta uelis miyekpa kipouas. Uelis tikintekitiltiskej cartas niman ijkon tikinnojnotsaskej tochanejkauan, akin tikimixmatstokej niman noijki akin xueli tikimitaj niman ijkon tikinnojnotsaskej. Matiknemilikan yejuin, kanaj yakaj melak kuajli otechkak ijkuak otiknojnotskej, san ika, melak ouijtika tiknextiskej ichan. Kanaj sekimej xuelij tikinnojnotsaj pampa chantij kampa xnochimej uelij kalakij noso pampa uejka chantij. ¿Tlenon noneki tikilnamikiskej achto tikijkuiloskej se carta?

KENON TIKCHIUASKEJ:

• 

  Xkijkuilo tlen tikijliskia tla iuan timonojnotsaskia. Xkijli akinon tejua niman xkijli tleka tiktlajkuilouilia. Uelis itlaj tiktlajtoltis niman noijki uelis tikteneuilis página tlen tikpiyaj ipan Internet. Sakin, xkijli ika tejuamej titemachtiaj itech Biblia noso xteneuili se capítulo tlen kipiya toamatlajkuiloluan tlen ika titemachtiaj. Iuan carta uelis tiktlalis se amatsintli tlen tetitlani jw.org, se invitación noso se amatlajkuilojli pitentsin.

• Maka miyek xkijkuilo. Tla miyek tikijkuiloua, akin kipouas mocarta xkinekis nochi kipouas (xkita carta).

• Kuajli xkita ika tlen tikijkuiloua ipan mocarta manasikamati, makipiya kuajli signos de puntuación, makakisti ika titetlakaita niman ika tikneki titepaleuis.