Ken uelis tikchijchiuas se carta

• Xkijkuilo kanon tichanti. Tla tikita ika xkuajli yeskia tla tiktlalia kanon tichanti, kuakon, uelis tikintlajtoltis tlayekankej tla uelis tikijkuilos idirección Kajli kampa Tosentlaliaj. San ika, MAKA KEMAN xkijkuilo idirección sucursal.

• Tla tikmati kenon itoka akin tiktlajkuilouilis, xtekitilti itoka. Yejuin kichiuas maka manesi tla mocarta se amatl tlen miyekej kititlanij niman ijkon tlanemakaskej.

• Kuajli xkita ika mocarta kuajli maijkuiliujto niman kuajli makipiya signos de puntuación. Noijki xkita ika kuajli manesi niman machipauak. Tla otikmaijkuilo yejon carta, kuajli xkita ika manasikamati moletra. Maka xkintekitilti tlajtoltin tlen melak ouijtika, xkintekitilti tlen nochimej kasikamatij.

Carta tlen nikan tiktlaliaj kipiya nochi tlen yotikteneujkej. Ijkuak tiknekis tikijkuilos se carta, maka nochi xkijkuilo ijkon ken nikan nestika ipan carta. Ijkuak tikijkuilos, xkita tlenon kixnamiktokej niman tlenon kinemiliaj akin tikneki tikomintlajkuilouilis. Yejon mitspaleuis kuajli xyektlali mocarta.