¿Kuajli tikintekitiltijtika amatsitsintin tlen tetitlanij jw.org?

Melak noneki titlajtolmoyauaskej, pampa ueyi tlajyouilistli uajnonisiuijtiuj (Pr 24:11, 12, 20). Uelis tikinpaleuiskej tlaltikpakchanejkej ijkuak tikintekitiltiaj amatsitsintin jw.org, ijkon uelis kipouaskej Biblia niman kalakiskej ipan página ipan Internet. Yejuin amatsitsintin kipiyaj se código tlen tetitlani ipan video ¿Tleka noneki timomachtis Biblia? niman se tenotsalistli tlen mitsijlia tla tikneki tikmatis okseki noso se tlamachtijli itech Biblia. Sekimej xkinekij kamapouaskej toamatlajkuiloluan, san ika, kema kinekij kalakiskej ipan jw.org. Tla ijkon, xkinmaka se amatsintli niman maka xkinmaka akin xkinekij kimatiskej itech kuajli tlajtoltin.

Ijkuak xtitlajtolmoyaujtoskej niman tikchiujtoskej okseki tlemach, uelis tikchiuaskej matechkakikan tla tikimijliaj: “Nikuelitaskia nimitsmakas yejuin amatsintli. Yejuin mitstitlani ipan se página ipan Internet kampa uelis tikimitas videos niman miyek tlemach tlen tiknekis tikmatis tlen xtiktlaxtlauas” (Jn 4:7). Pampa yejon amatsitsintin pipitikej, uelis nochipa tikimitkitinemis niman ijkon tikintemakas ijkuak uelis.