Matomachtikan melak kuajli matitenojnotsakan: Xmomachti xtekitilti jw.org

TLEKA MELAK NONEKI. Nochi tlemach tlen ika titemachtiaj tetitlanij itech jw.org. Amatsintli tlen tetitlani ipan jw.org niman amatlajkuilojli pitentsin ¿Kanon tiknextiskej tlen miyekpa totlajtoltiaj ipan tonemilis? onochijchiujkej niman ijkon tlaltikpakchanejkej makalakikan ipan página tlen tikpiyaj ipan Internet. Uelis tiktekitiltiskej jw.org ika tiktepanoltiliskej se itech tlemach tlen ika titemachtiskej, uelis yes itechkopa se correo noso se enlace (link). Yejuin melak tepaleui ijkuak tikinnojnotsaj akin tlajtouaj okse tlajtojli. Kemantika, noijki noneki tikinnankiliskej seki tlajtoltilistin tlen xnonankiliaj ipan tlemach tlen ika titemachtiaj. Tla tejuamej tiuelij kuajli tiktekitiltiaj yejuin página tlen tikpiyaj ipan Internet, melak kuajli titenojnotsaskej.

KENON TIKCHIUASKEJ:

• 

  Xtekitilti kampa kijtoua “TLAMACHTILTIN ITECH BIBLIA”. Xkonemili ika titlajtotika iuan se tajtli akin kineki kimatis kenon kimiskaltis ikoneuan, xkalaki ipan TLAMACHTILTIN ITECH BIBLIA > NAMIKTILISTLI NIMAN FAMILIA.

• Xtekitilti kampa kijtoua “AMATLAJKUILOLTIN”. Xkonemili ika titlajtotika iuan akin timomachtia niman tikneki tikititis amatlajkuilojli Nonankiliaj 10 tlen notlajtoltiaj telpokamej niman ichpokamej, xkalaki ipan AMATLAJKUILOLTIN > AMOXTIN NIMAN AMATLAJKUILOLTIN.

• Xtekitilti kampa kijtoua “TOTECHKOPA”. Xkonemili ika titlajtotika iuan akin titekiti niman yejua kineki kimatis achijtsin itech tlen tikneltokaj, xkalaki ipan TOTECHKOPA > TLEN MIYEKPA NOTLAJTOLTILO.

XKITA VIDEO XMOMACHTI XTEKITILTI JW.ORG, XNEMILI KANON ITECH YEJUIN SITIO UELIS TIKNEXTIS TLEN IKA TIKPALEUIS:

• akin xtlaneltoka itech toTajtsin.

• akin xiuejkaui ika ipan onochiuj itlaj tlen melak xkuajli.

• se tokniuj akin xok tlajtolmoyaua.

• akin kineki kimatis kenon notlaxtlaua totekiyo.

• yakaj akin oksekan ualeua niman kineki yas tlanechikoltin ijkuak nokuepas ipan ipaís.