Xtekitilti ipeujyan jw.org para titenojnotsas

Ipeujyan jw.org uelis tikinnextis tlamachtiltin niman videos tlen okinchijchiujkej para akin kipiyaj kuajli inyojlo (Hch 13:48). Ompa uelis tiknextis itech tlen noteneua ipan noticias noso tlen tlaltikpakchanejkej kinmajmana.

¿Kenon uelis tijkuis jw.org niman ijkon ika titenojnotsas?

• Nochipa xkita tlen kistiuj ipan jw.org. Xkimita tlamachtiltin tlen onotlalijkej kampa kijtoua “Xkimita yejuin” niman xnemili kenon ueliskia ika titenojnotsas (tla tikneki tikimitas okseki tlamachtiltin tlen kemach yonotlalijkej ipeujyan topágina, xpachouili kampa kijtoua “Xkita okseki”). ¡Tiknextis miyek tlen mitspaleuis más kuajli titenojnotsas!

• Xkintekitilti tlamachtiltin niman videos tlen onka ipeujyan topágina niman ijkon ika tipeuas titenojnotsas. Yejon mitspaleuis tikmatis tlenon kinmajmana tlaltikpakchanejkej.

• Xteititi tlen onka ipeujyan página jw.org. Xteijli kenon uelis kinextiskej itech tlen kinekij kimatiskej.

• Xteijli makalakikan ipan topágina. Sekimej xkinekij touan tlajtlatoskej, san ika, kema kinekij kalakiskej ipan topágina. Kuakon, tla tikita ika yakaj okseki kineki kimatis, maka xometlamati niman xkijli makalaki ipan jw.org niman makita se tlamachtijli noso se video.