MATINEMIKAN KEN CRISTO
¿Tikuelitaskia tias ipan Tlamachtijli tlen kiseliaj Akin Tenojnotsaj itech iTekiuajyo toTajtsin?
Tla tikpiya 23 hasta 65 xiuitl, chikauak titenojnotsa, xtikualo niman tikneki tontlapaleuis kampa nonekij tenojnotskej, ¿tleka xtiktemiltia se amatl niman ijkon tias ipan Tlamachtijli tlen kiseliaj Akin Tenojnotsaj itech iTekiuajyo toTajtsin? Ijkuak opeuj, miyekej akin yononamiktijkej, niman tokniuan akin xinonamiktiaj ijkon yokichiujkej. San ika, nonekij más tokniuan tlakamej akin xinonamiktiaj. Xkijli Jehová mamitspaleui tiknekis chikauak tiktekichiuilis niman tikchiuas ken iKonetsin (Sl 40:8; Mt 20:28; Heb 10:7). Sakin, xnemili kenon xok tikpiyas miyek tekitl niman xkita tlenon okseki uelis tikchiuas para tikselis yejuin tlamachtijli.
¿Kenon yokitekichiuilijkej Jehová tokniuan akin yokiselijkej yejuin tlamachtijli? Sekimej yokintitlankej kampa tlajtouaj okse tlajtojli noso ontenojnotsaj kampa nojuitilo ipan uejueyimej kalpamej. Oksekimej, kemantika kintlajtlaniliaj makintlajpalotij tlanechikoltin ipan circuito, noso kintlaliaj ken tlayekankej ipan circuito noso ken misioneros. Xnemili kenon más tiktekichiuilis Jehová niman xchiua ken teotlajtoketl Isaías akin okijto: “Nikan ninemi, nejua xnechtitlani” (Is 6:8).
XKITAKAN VIDEO TOKNIUAN MISIONEROS: CHIKAUAK TENOJNOTSAJ, SAKIN XNANKILIKAN YEJUIN:
¿Kenon kintlapejpeniaj akin tlapaleuiskej ken misioneros?
¿Kenon melak kuajli tekichiujtokej yejuin misioneros?
¿Kenon kinteochiua toTajtsin yejuin misioneros?