Tlen mitspaleuis ijkuak san moselti timomachtis niman ijkuak tikueyichiuas Jehová imiuan mochanejkauan

Tejuamej tikueyichiuaj Jehová imiuan tokniuan ipan totlanechikoluan niman toueyitlanechikoluan. San ika, noijki tikueyichiuaj Jehová san toselti niman imiuan tochanejkauan. Nikan nesi seki tlen uelis tikchiuas ijkuak san moselti timomachtis noso ijkuak timomachtis imiuan mochanejkauan:

• Matikitakan tlen tomachtiaj ipan tlanechikojli. Noijki uelis tomajmachtiskej tlakuikaltin noso ken tikuelitaskiaj titlanankiliskej ipan tlanechikojli.

• Matikpouakan tlen inpan onochiuj akin Biblia kinteneua. Sakin, uelis tikixkopinaskej tlen ompa noteneua noso uelis tikijkuiloskej tlen otiuelkej.

• Matomachtikan kenon akin noteneuaj ipan Biblia okinotskej toTajtsin. Matiknemilikan kenon yejon techpaleuis más kuajli matiknotsakan toTajtsin.

• Matikitakan se video ipan jw.org. Sakin uelis titlajtoskej itech yejon imiuan tochanejkauan noso tikijkuiloskej tlen otikuelitakej.

• Matikitakan kenon uelis más kuajli titenojnotsaskej. Uelis tomajmachtiskej tlenon tikijtoskej.

• Matikitakan tlen yokichijchiuj toTajtsin niman matiknemilikan tlenon techmachtia itech Jehová. Tla tinemij imiuan tochanejkauan, matitlajtokan itech tlen otiuelkej.a