Kenon uelis tiknextiskej tlen techpaleuis ijkuak tikamapouaskej Biblia

Ijkuak tikamapouaj Biblia, uelis tiknextiskej tlen techpaleuis. San ika ¿kenon uelis tiktejtemoskej tlen techpaleuis?

Kuajli matikitakan tlen tikamapoujtokej. Uelis totlajtoltiskej: “¿Akinon okijkuilo tlen nikamapoujtika? ¿Kemanon okijkuilo niman akinon okijkuilouili? ¿Tleka okijkuilo? ¿Tlenon opanok achto niman sakin ika okijkuilo?”.

Matiknemilikan tlen techmachtia. Uelis totlajtoltiskej yejuin: “¿Kenon onomachilijkej akin ompa noteneuaj? ¿Katlejua kualneskayomej okiteititijkej niman tleka noneki noijki ijkon nikchiuas? ¿Tlenon xkuajli okichiujkej niman tleka xnoneki ijkon nikchiuas?”.

Matikchiuakan tlen tomachtiaj. Ijkuak titenojnotsaskej noso ijkuak iuan yakaj tonojnotsaskej, uelis tikchiuaskej tlen yotomachtijkej ipan Biblia. Tla ijkon tikchiuaj, tikchiujtoskej ijkon ken kijtoua Salmo 107:43: “On yejuan kuajli itlamachilis, kajsikamatis tlinon kijtosneki nochi in”.

• Tlen uelis tikchiuas: Xmomachti ijkon ken timomachtia sección “Tlen tepaleui itech iTlajtol toTajtsin”. Ipan yejuin sección onka tlajtoltilistin, tlaixkopinaltin niman tlen techtlanemililtia.