Ken uelis timomachtis
Xchiua tlen más noneki
Xtikpiyaj miyek tiempo niman ijkon toselti tomachtiskej Biblia ken tejuamej tiknekiskiaj. Kuakon, ¿tlenon uelis mitspaleuis niman ijkon kuajli xkui motiempo? Kachtopa, maka san xkauilmati motiempo. Más mitspaleuis tla kuajli tikamapoua itlaj, maski san achijtsin, xijkon ken tla san isiujkan miyek tikamapoua.
Sakin xkita tlenon kachtopa tikchiuas (Efes. 5:15, 16). Uelis tikchiuas yejuin:
Mojmostla xpoua Biblia (Sal. 1:2). Tla tikneki, uelis tipeuas ika tlaxeloltin tlen nopouaj ipan tlanechikojli tlen tikpiyaj itlajkotian semana.
Xmomachti tlen nopanoltis ipan ome totlanechikoluan tlen tikinpiyaj ipan semana. Xnemili kenon uelis titlanankilis (Sal. 22:22).
Tla tikpiya más tiempo, xkinamapoua revistas tlen tikinmakaj akin tikinnojnotsaj, xkimita videos niman nochi tlen kisa ipan jw.org.
Xnemili tlenon uelis peuas timomachtis. Uelis tiktejtemos itlaj tlen mamitspaleui ika tlen tikixnamiktok, itlaj tlen tikneki tikmatis noso itlaj tlen tikuelitaskia más tikasikamatis. Uelis tiknextis okseki ipan sección “Actividades para estudiar la Biblia”, tlen onka ipan jw.org.