2. ¿Tejuamej tikpiyaj tlajtlakojli ijkuak titlajyouiyaj?

¿Tleka melak noneki matikmatikan?

Tla tejuamej tikpiyaskiaj tlajtlakojli ijkuak titlajyouiyaj, sa no tejuamej ueliskia tikteltiskiaj.

Xkonnemili yejuin

Amantsin tikteneuaskej seki tlen techtlajyouiltia. Ijkuak tikixnamikij yejuin, ¿hasta kanon tejuamej tikpiyaj tlajtlakojli?

Kitechiuiliaj tlen xkuajli

Organización Mundial de la Salud (OMS) kijtoua ika 1 itech 4 tlaltikpakchane okitlajyouiltijkej ijkuak pitentsin katka niman 1 itech 3 siuamej kemantika yokuisojkej noso yokinajnauiltijkej (noso yokichiuilijkej yejuin ome tlemach).
Tomijkatiaj

Estadísticas sanitarias mundiales 2018 (ika inglés), tlen okikixti OMS, okijto ika ipan 2016 okinmiktijkej kanaj 477,000 tlaltikpakchanejkej ipan nochi tlaltikpaktli. Noijki, ipan yejon xiuitl, kijtouaj ika kanaj, 180,000 tlaltikpakchanejkej okinmiktijkej ipan guerras niman kampa onouijsokilok.
Tikualoj

Ipan revista National Geographic, Fran Smith, okijto: “Ipan nochi tlaltikpaktli, nemij ipantsin 1,000 millones akin pokij. Tabaco kichiua ika miyekej mamikikan pampa kimajsi kokolistli: xok kuajli tekiti inyoltsin, ijtlakaui intsontekon, xok kuajli nijyotiaj, melak ijtlakaui inpulmones, niman inpulmones kajsi cáncer”.
Tisesejnekamej

Ixtlamatki Jay Watts kijtoua: “Uelis más tiajmankamikiskej noso tajmanaskej pampa xtlaj tomintsin, pampa tisesejnekamej, pampa titechikoitaj, pampa miyekej tlakamej noso siuamej noueyimatij, pampa notlatlanij niman pampa noneki oksekan onnochantiskej”.

TLA OKSEKI TIKMATISNEKI

Xkita video ¿Tleka toTajtsin okichijchiuj tlaltikpaktli?, tlen onka ipan jw.org.

Tlen Biblia kijtoua

Tlakatl akin pokitoya aman nemi ipan se hospital. Isiuauj najmantika pampa se tlapajtiketl kijlitika ika iueuentsin kipiya se ueyi kokolistli

Tlaltikpakchanejkej noijki kipiyaj tlajtlakojli ijkuak tlajyouiyaj

Miyekpa melak titlajyouiyaj pampa tekiuajkej xkuajli techyekanaj maski kijtouaj ika kinekij techpaleuiskej.

“Sen tlakatl kipiya poder para ika nauiltia niman kichiuilia tlen xkuajli okse tlakatl” (ECLESIASTÉS 8:9).

Uelis tikchiuaskej ika maka melak matitlajyouikan

Tla tikchiuaj tlen Biblia kijtoua techpaleuis matouikakan imiuan oksekimej niman maka melak matikualokan.

“Yejuan xitlaj kipajsoloua itlamachilis, itlalnakayo kipiya chikaualistli, pero on yejuan kipiya nexikojli hasta on iomiyouan palanij” (PROVERBIOS 14:30).

“Xmokixtilikan nochi tekuatotonalistli, nochi xkuajli eleuilistli, nochi tlauejli, nochi tsajtsilistli, nochi tetejteneualistli niman nochi xekyotl” (EFESIOS 4:31).