Parte 8

Nochiua tlen Biblia kijtoua panos

Biblia xsan techijlia tlen yemelak opanok iyeuejkaui, noijki techijlia tlen panos tlayekapan. Tlaltikpakchanejkej xuelij kijtouaj tlen panos tlayekapan. Ika yejon, tikmatij ika Biblia ualeua itech toTajtsin. ¿Tlenon kijtoua Biblia panos tlayekapan?

Tlajtoua itech iguerra toTajtsin. Ipan yejuin guerra toTajtsin kipopolos nochi tlen xkuajli niman noijki kinpopolos tlaltikpakchanejkej xkuakualtin, san ika, kintlajpiyas akin kitekichiuiliaj. Jesucristo, akin toTajtsin okitlali kentla tekiuaj, kichiuas ika itekipanojkauan toTajtsin makipiyakan yolseuilistli iuan pakilistli, niman maka sa keman makualokan noso mamikikan.

¿Xmelak ika uelis tipakiskej pampa toTajtsin kitlalis se yenkuik xochitlalpan ipan tlaltikpaktli? San ika, noneki itlaj tikchiuaskej tla tiknekij tinemiskej ipan yejuin xochitlalpan. Ipan historia tlen ika ontlami yejuin amoxtli tomachtiskej tlenon noneki tikchiuaskej, niman ijkon tikpiyaskej tlen toTajtsin kinmakas akin kitekichiuiliaj. Ika yejon, xpoua Parte CHIKUEYI niman xkita tlen Biblia kijtoua panos tlayekapan.