Jehová techmaka se temakixtijketl

29 Kachtopa iluikaktekitketl tlen toTajtsin okichijchiuj okitak kentla iyenkuiyoj.

ToTajtsin melak kitlasojtla niman yejua kichiuas makimpopolo akin xkuakualtin niman makinmakixti akin tetlakamatkej (Juan 3:16, 36).

30 Jehová okuajtitla ikoneuj matlakatiki nikan Tlaltikpaktli. Okitokayoti Jesús. Inan itoka katka María (Lucas 1:30-35).

31 Ijkuak Jesús oueiyak, otemachti miyek tlen kuajli. Otemachti ika san Jehová yejua toTajtsin (Marcos 12:29, 30).

Jesús okijto san Jehová matikueyichiuakan (Mateo 4:10; Juan 4:23, 24).

Noijki okiminmachti tlaltikpakchanejkej itech itekiuajyo Jehová (Lucas 17:20, 21).

32 Jesús okimpajti kokoxkej niman miyek okichiuj tlen kuajli. Xokichiuj tlen xkuajli (Hechos 10:38; 1 Pedro 2:21, 22).

Aman, ¿kenon techmakixtiskiaj itech tlajtlakojli niman mikilistli?

33 Nonekiya kimakas toTajtsin se uentli niman ijkon kiminmakixtiskiaj akin kuakualtin. Yeuejkaui, toTajtsin okimijli on tlaltikpakchanejkej makinuentlalikan yolkamej pampa intlajtlakoluan (Hebreos 7:25, 27).

34 Jesús xokiuentlali yolkamej. San no yejua onotemakak kentla se uentli topampa (Mateo 20:28; Hebreos 10:12).

¿Tikmati tleka?