Kenon techmakixtiaj itech tlajtlakojli niman mikilistli

35 ¿Tikilnamiki ika Adán kachtopa tlakatl, otlajtlako? Yejua okipolo inemilis niman xochitlalpan, niman tinochimej noijki timikij, pampa tiikoneuan (Romanos 5:12; 3:23).

36 Uelis oksepa tikpiyaskiaj nemilistli tlen xkipiya tlajtlakojli, tla se tlakatl xtlajtlakole kitemakaskia inemilis topampa, noso kitlaxtlauaskia niman ijkon techmakixtiskia itech mikilistli (1 Corintios 15:45; Romanos 5:19, 21).

37 Jesús katka ikoneuj toTajtsin. Yejua katka se tlakatl tlen xokipix tlajtlakojli. Xkeman otlajtlako (Hebreos 5:9; 7:26).

38 Onotekauili makimiktikan tlaltikpakchanejkej akin xkitlasojtlayaj toTajtsin (Hechos 2:23).

In kijtosneki onotemakak kentla uentli topampa (1 Timoteo 2:6).

39 Okikoyonijkej se tepetl niman ompa okitokakej Jesús. Miktoya yeyi tonajli. Kuakon toTajtsin okiyoliti (Hechos 2:24).

40 Yejua oksepa oya iluikak. Aman uelis kitlajtlanilis toTajtsin makimpaleui akin tetlakamatij (Hebreos 9:24; 1 Juan 2:1, 2).