Se iluikaktekiuaj kuajkuis tlatiochiualismej ipan Tlaltikpaktli

41 Jehová okitlali Jesús ne iluikak kentla Tekiuaj (Isaías 9:6; Daniel 7:13, 14; Hechos 2:32-36).

42 Yejua tlanauatis ipan nochi Tlaltikpaktli (Daniel 7:14; Mateo 28:18).

43 ¿Tikilnamiki tlenon impan nochiuas akin xkuakualtin? (Salmo 37:9, 10; Lucas 13:5.)

44 ¿Tikilnamiki kenon itoka kachtopa iluikaktekitketl akin otlajtlako? Jesús kipopolos in iluikaktekitketl iuan oksekimej iluikaktekitkej xkuakualtin. Tajtsitsintin, tlamachichiualtin noijki kimpopoloskej (Hebreos 2:14; Apocalipsis 20:2, 10).

45 Jesús kichiuas miyek tlen kuajli inpampa on tetlakamatkej (Hebreos 5:9).

46 Xok onias kokolistli (Isaías 33:24; Apocalipsis 22:1, 2).

¿Tikilnamiki ika Jesús kimpajtiaya kokoxkej?

47 Nochi tlaltikpakchane kipiyas tlen kuajli (Isaías 65:17, 21-23).

48 ToTajtsin noijki kimilnamiki akin yomijkej. Kinauatis Jesús makiminmaka nemilistli oksepa. In kitokayotia yoliuilistli (Juan 5:28, 29; 11:25).

49 Ijkuak kimpopoloskej nochimej akin xkuakualtin, xok yakaj mikis. Nion yolkamej akin tekuanimej xtikiminmakasis. Nochi tlaltikpakchane nemis ika pakilistli nochipa (Apocalipsis 21:4; Isaías 65:25; Salmo 37:11, 29).