¿Tlen noneki tikchiuas?
50 ¿Tiknekiskia tinemis nochipa ipan on kualtsin xochitlalpan?
Kuakon xmomachti itech tlen kijtoa toTajtsin. Xyejyeko tiuelis tiamapoas Biblia (Juan 17:3; Apocalipsis 1:3).
51 Xmomachti kuajli itech Jesús (Deuteronomio 18:18, 19; Juan 3:16; Hechos 3:19-23).
52 San tlen kuajli xyejyeko xchiua niman xtlakamati Jehová (Romanos 6:17, 18, 22).
53 Xkilnamiki, Jehová kijtoa ika maka matitemiktikan (Éxodo 20:13; 1 Juan 3:11, 12).
54 Maka tikinkuiliskej oksekimej tlen intlatki (Éxodo 20:15; Efesios 4:28).
55 Nion se tlakatl xuelis nemis iuan se siuatl nion iuan notekas tla xisiuauj
(Éxodo 20:14, 17; 1 Tesalonicenses 4:3).
56 ¿Tikilnamiki kech siuatl toTajtsin kikauilia tlakatl makipiya? ¿Kech uejkauis se tlakatl iuan isiuauj? (Génesis 2:22, 24; Mateo 19:5, 6; 1 Corintios 7:2, 10, 11.)
57 Xkilnamiki noijki, ika san Jehová tikueyichiuaskej (Mateo 4:10; 1 Corintios 8:6).
58 Tajtsitsintin iuan tlamachichiualtin xueliskej techpaleuiskej. ¿Tikmati tleka? (1 Corintios 8:4.)
¿Uelis tikinpiyaskej tajtsitsintin? (Deuteronomio 27:15; 1 Juan 5:21.)
59 ¿Tleka xkuajli tikinpiyaskej tlen kitekitiltiaj nanaualtin? (Deuteronomio 18:10-13; Apocalipsis 21:8.)
60 Xkuakualtin iluikaktekitkej noso xkuakualtin espíritus xokitlakamatkej toTajtsin. Kinkuij tlatemouilijkej niman ijkon kinkajkayauaj tlaltikpakchanejkej (Hechos 16:16).
61 Kipiya ika tikchiuiliskej teoyotl toTajtsin. Tikchiuas teoyotl kijtosneki titlajtos iuan toTajtsin, tikijliskej ika tiknekij tiktekichiuiliskej, niman tiktlatlaniliskej ipaleuilis (Filipenses 4:6, 7).
62 Kipiya ika tiktlakamatiskej Jesús niman itech titlaneltokaskej (Hebreos 5:9; Juan 3:16).
63 Xkilnamiki ika yejua omik niman ijkon otechmakixti (Romanos 5:8).
64 Xkilnamiki, Jesús toTekiuaj akin xueli tikitaj. Kipiya ika tiktlakamatiskej (Filipenses 2:9, 10; Apocalipsis 19:16).
65 Jesús okijto ika tejua kipiya ika tikiminojnotsas oksekimej itech tlen kuajli timomachtijtika, iuan akin kinekij kitekichiuiliskej toTajtsin kipiya ika napolajtiskej (Mateo 28:19, 20; Juan 4:7-15).
66 Ika on tejua uelis tikiminojnotsas akin iuan timouika itech in tlen kuajli (Mateo 10:32).
67 Tla tejua tikyejyekoa tiamapoas kuajli, tikasikamatis miyek okseki tlemach niman ijkon uelis kuajli tikiminpaleuis oksekimej (2 Timoteo 2:15).
68 Jesús noijki okiminmachti kokonej makitlakamatikan toTajtsin. Yejua nochipa okiminojnots maski kipiyaya miyek tekitl (Mateo 19:13-15).
69 Tajtin nochipa kipiyaj ika kiminmachtiskej ikoneuan makitlakamatikan toTajtsin niman makitlasojtlakan (Deuteronomio 6:6, 7; Proverbios 6:20-22; Efesios 6:4).
70 Onka miyekej teopantin tlamantikej. Miyekej intlamachtiluan xuajnestiuej ipan Biblia. Jehová techijlia matikisakan kampa xtechmachtiaj tlen melak (Apocalipsis 18:4; Juan 4:23, 24).
71 Jehová kimpiya ipan in Tlaltikpaktli akin ueliskej mitsmachtiskej itech yejua. ¿Tikmati akinomej? (Hechos 15:14; Romanos 10:14, 15.)
72 Iteixpantijkauan Jehová. Yejuamej kuajli nouikaj. ¿Tikmati tleka? Pampa notlasojtlaj se iuan okse (Isaías 43:10-12; Juan 13:34, 35).
73 Pampa noijki kitlasojtlaj Jehová, yonapolaktikej. Ijkon kiteititiaj ika yokikaujkej tlen xkuajli kichiuayaj niman kinekij kitekichiuiliskej toTajtsin nochipa (Hechos 2:41).
74 Iteixpantijkauan Jehová kichiaj nemiskej ipan se kualtsin yenkuik xochitlalpan (Salmo 37:9-11, 29).
¿Tlenon uelis tikchiuas niman ijkon uelis tinemis ompa imiuan? (Santiago 1:22, 25; 2:20-26.)
75 Imiuan xmomachti niman xtekichiuili Jehová. Yejuamej kitlasojtlaj niman kitlakamatij Jehová iuan Cristo Jesús. ¿Tikintlasojtla tejua? ¿Tiknekiskia tikiminpaleuis oksekimej makixmatikan toTajtsin? (Juan 6:45-47.)
76 Jehová iuan Cristo Jesús mitstlasojtlaj niman kinekij tejua xnemi nochipa ipan se xochitlalpan (Juan 3:16).
Tlen tejua yotikasikamat itech in tlaixkopinaltin niman nemachtijli ipan in amatlakuilojli tikmatij ika yomitsnekilti tinemis ika pakilistli nochipa ipan in Tlaltikpaktli. Tla tejua tikneki okachi timomachtis okseki amatlakuiloltin timitstlatlaniliaj xnotsa se iteixpantijkauj Jehová kampa tichanti. Noso uelis tontlajkuilos, noso yakaj mopampa makomintlajkuilouili, Iteixpantijkauan Jehová itech on anajli kampa tejua tichanti, tlen uajnestiuj ipan tlaxelojli ome ipan in amatlakuilojli.