¿Oksepa kimpopolos tlaltikpakchanejkej xkuakualtin?

22 Aman tlaltikpakchanejkej noijki xkuakualtin. ¿Tlenon xkuajli nochiujtika nikan?

23 Sekimej kimiktiaj oksekimej tlaltikpakchanejkej. ToTajtsin kijtoa maka manochiua yejuin (Éxodo 20:13; 1 Juan 3:11, 12).

24 Sekimej tlachtekij. ToTajtsin kijtoa maka matitlachtekikan (Éxodo 20:15; Efesios 4:28).

25 Sekimej nonamiktiaj iuan miyekej siuamej. Oksekimej chantij iuan miyekej siuamej, iuan chantij se ipan se kajli niman chantij iuan okse ipan okse kajli. Uan nemij tlakamej san iuan se siuatl chantij, san ika xnonamiktiaj. Nochi yejuin Biblia kijtoa maka matikchiuakan (Mateo 19:4-6; 1 Corintios 7:1-4; 1 Timoteo 3:1, 2).

26 ¿Tikilnamiki ika toTajtsin san se isiuauj okimakak Adán? (Génesis 2:22, 24.)

27 Sekimej kiueyichiuaj tajtsitsintin. ToTajtsin kijtoa maka matikinkuikan tajtsitsintin nion tlamachichiualtin ijkuak tikueyichiuaskej (Éxodo 20:4, 5; Isaías 44:9-17; 1 Juan 5:21).

28 Jehová kimpopolos akin xkinekij kikajkauaskej tlen xkuajli (Salmo 37:9, 10; Lucas 13:5; 1 Corintios 6:9, 10).